Наведвальнікі маюць магчымасць пазнаёміцца з гісторыяй і асноўнымі відамі беларускай батлейкі, паўдзельнічаць у майстар-класе па вырабе батлеечных лялек, паглядзець традыцыйны батлеечны спектакль "Цар Ірад".
"Старадаўнія інструменты на новы лад"
Наведвальніку прапаноўваецца паспрабаваць сябе ў якасці музыкі, сыграўшы на самагучальных музычных інструментах (бразготка, трашчотка, калотка, кляшчотка, рагулька, бубен і інш.).
"Лялечнікам можа стаць кожны"
Наведвальніку прадастаўляецца магчымасць пазнаёміцца з механізмам дзеяння лялек розных тыпаў: трысцінавыя, планшэтныя, пальчаткавыя і лялькі-марыянеткі. Кожны жадаючы можа ў якасці акцёра (за тэатральнай шырмай) разыграць сюжэт умоўнага лялечнага спектакля.
"Сакрэты тэатральнай грымёркі"
Інтэрактыўны занятак, дзе наведвальнікі могуць даведацца аб асаблівасцях тэатральнага грыму, пазнаёміцца з асноўнымі прыёмамі работы грымёра. У якасці прыкладу можна паглядзець галерэю вобразаў, зробленых беларускімі акцёрамі з дапамогай грыму.
Ценявы тэатр "Віцебскі жлоб"
Ценявы тэатр – адзін з самых распаўсюджаных у свеце. Асабліва цікавы і карысны такі тэатр дзецям. Гульні з ценем стымулююць фантазію малыша, развіваюць ягоную ўяву. У Музеі гісторыі тэатральнай і музычнай культуры арганізаваныя паказы ценявога спектакля "З рога ўсяго многа". Спачатку дзеці даведаюцца аб гісторыі ўзнікнення ценявога тэатра і паглядзяць прадстаўленне, а пасля атрымаюць магчымасць самі зрабіць лялек і разыграць спектакль.
Japan Tobacco
International
Пріорбанк, AAT
