Вельмі загадкавая гісторыя будынка нашага музея – помніка архітэктуры ХІХ ст. Рашэнне пабудаваць на гэтым месцы жылы дом было прынята яшчэ ў XVIII ст. У розныя перыяды ў гэтага будынка былі розныя ўладальнікі, многія кватэры здаваліся ўнаймы. Напрыклад, на другім паверсе ў 1840 г. жыла сям’я бацькі кампазітара Станіслава Манюшкі, польскага мастака Чэслава Манюшкі. Быў перыяд, калі ў доме па Музычным завулку размяшчаўся прызыўны пункт Мінскай губерні.
Цікавасць выклікае тое, што будынак у некаторых матэрыялах аб мінулым горада ўзгадваецца як Дом масонаў, але пацверджання гэтаму ў даследаваннях няма, як і дакладных звестак аб пасяджэннях у гэтых сценах масонскай ложы "Паўночная паходня". Ёсць версія, што дом належаў мінскай масонскай ложы "Чырвоная паходня" і быў пабудаваны гэтым аб’яднаннем. Дакладна вядома адно: у 20-я гг. ХІХ ст. муж адной з уладальніц будынка быў у спісах членаў масонскай ложы. Магчыма, менавіта таму будынак і атрымаў сваю назву.
Будынак стаіць на высокім цокалі, пабудаваным з цэглы і вялікіх валуноў. Знешняя архітэктура дайшла да нас у нязменным выглядзе і прадстаўлена стылістычнымі элементамі, характэрнымі для барока і ранняга класіцізму, на плане ён уяўляе сабой масонскі крыж. Гэта дасягаецца за кошт сіметрычна выступаючых з чатырох бакоў цэнтральных частак фасада. Існуе паданне, што па канонах ложы дом будаваўся без вокнаў: праёмы замяняліся нішамі, у якія ўстаўлялася каляровае шкло. Яно хавала ад чужынцаў масонскія сакрэты. Упершыню дом быў абазначаны на плане горада ў 1817 г., сама масонская ложа была заснавана ў Мінску ў 1816 г. і праіснавала да 1822 г., пакуль не была забаронена рашэннем царскага ўрада. Да таго ж, у розных крыніцах сустракаюцца розныя назвы масонскай ложы – у адных "Чырвоная паходня", у іншых – "Паўночная паходня".
Музей працуе: з 11.00 да 19.00
Без выходных
Каса працуе: 11.00 – 18.30
Уваход наведвальнікаў: 10.00 – 18.30
Для дарослых:
Агляд экспазіцыі – 6 бел.руб.
Экскурсія – 7 бел.руб.
Для студэнтаў дзённай формы навучання:
Агляд экспазіцыі – 4 бел.руб.
Экскурсія – 5 бел.руб.
Для школьнікаў і навучэнцаў ССНУ:
Агляд экспазіцыі – 3 бел.руб.
Экскурсія – 4 бел.руб.
Для пенсіянераў:
Агляд экспазіцыі – 4 бел. руб.
Экскурсія – 5 бел.руб.
Прагляд міні-прадстаўлення
«Батлеечная інтэрмедыя» -
5 бел.руб. (групы да 25 чалавек)