У філіяле Нацыянальнага гістарычнага музея Рэспублікі Беларусь “Музей гісторыі тэатральнай і музыкальнай культуры адкрываецца выстава да Дня незалежнасці Рэспублікі Беларусь “Памятае сэрдца, не забудзе ніколі”.
Гістарычная падзея, якой з’яўляецца вызвалення Беларусі, мае шмат аспектаў – паказ гераізму савецкай арміі ў час баёў за Беларусь, раскрыццё трагічных старонак жыцця людзей у час эвакупацыі, адлюстраванне гэтых падзей у мастацтве. Творчая дзейнасць майстроў беларускага тэатральнага і музычнага мастацтва ў гэты перыяд адыграла значную ролю ў мабілізацыі духоўных сіл нашага народа на разгром ворага. Іх задачай было – праўдзіва паказаць, якая небяспека павісла над Радзімай, умацаваць у сэрцы людзей веру і ўпэўненасць у Вялікай Перамозе.
Патрыятычны дух народа ў час смяротнай небяспекі выклікаў творчы ўздым артыстаў беларускіх тэатраў. Некаторыя з іх працавалі ў эвакуацыі, многія ў створаных франтавых брыгадах.
На выстаўцы прадстаўлены экспанаты з фондаў музея: фотаздымкі, нотныя рукапісы ваеннага перыяду, дакументы аб дзейнасці канцэртных франтавых брыгад.
Адным з найбольш цікавых экспанатаў выставы з’яўляецца карта тэатральных падарожжаў Беларускага дзяржаўнага драматычнага тэатра імя Янкі Купалы (1920-1944).
Тэма дзейнасці Нацыянальнага акадэмічнага Вялікага тэатра оперы і балета Рэспублікі Беларусь ў гады вайны паказана праз фотаздымкі і узнагароды артыстаў.
Асобнае месца займае комплекс матэрыялаў з архіва сям’і народнага артыста Беларусі Б.М. Пянчука, удзельніка парада Перамогі 24 чэрвеня 1945 года ў Маскве на Чырвонай плошчы: асабістыя рэчы, узнагароды, дакументы і фотаздымкі.
Акцэнт экспазіцыі скіраваны на адлюстраванне ролі мастацтва ў падтрымцы баявога духу арміі і партызан, раскрыцці сутнасці гераічнага і трагічнага ў час ваеннага ліхалецця.
Выстаўка працуе з 1.07 – 20.07.2020 г.
Музей працуе: з 11.00 да 19.00
Без выходных
Каса працуе: 11.00 – 18.30
Уваход наведвальнікаў: 10.00 – 18.30
Для дарослых:
Агляд экспазіцыі – 6 бел.руб.
Экскурсія – 7 бел.руб.
Для студэнтаў дзённай формы навучання:
Агляд экспазіцыі – 4 бел.руб.
Экскурсія – 5 бел.руб.
Для школьнікаў і навучэнцаў ССНУ:
Агляд экспазіцыі – 3 бел.руб.
Экскурсія – 4 бел.руб.
Для пенсіянераў:
Агляд экспазіцыі – 4 бел. руб.
Экскурсія – 5 бел.руб.
Прагляд міні-прадстаўлення
«Батлеечная інтэрмедыя» -
5 бел.руб. (групы да 25 чалавек)