Фонды філіяла Нацыянальнага гістарычнага музея Рэспублікі Беларусь “Музей гісторыі тэатральнай і музычнай культуры” папоўніліся унікальным музейным прадметам – альбомам фартэпіяннай музыкі канца 19 – пач. 20 ст.
У пераплёце, разам з творамі В.А.Моцарта, Л. ван Бетховена, 12 армейскімі марашамі, 10 кампазіцыямі для фартэпіяна А.Рубенштэйна, Ф.Шапэна, Ф.Шуберта і іншымі, знаходзяцца два паланезы М.Кл.Агінскага – “Жалобны паланез” альбо “Паланез смерці” фа мінор №8 і паланез “Развітанне” ля мінор. Цікава, што пры жыцці М.Кл.Агінскага праграмная назва паланеза “Развітанне” надавалася іншаму твору, паланезу до мінор №6, паланез ля мінор друкаваўся пад назвай “Развітанне з Радзімай”. А таксама вальс мі-бемоль мінор з выдання “Тры вальсы”, першадрук Варшава, 1852 г. Ст.Манюшкі Прысвячэнне: Ангеліне Ронне з дому Ёдка.
Музейныя прадметы зоймуць сваё пачэснае месца ў пастаяннай экспазіцыі Музея гісторіі тэатральнай і музычнай культуры і з імі змогуць пазнаёміцца наведвальнікі нашага музея.
Каштоўны падарунак музею зрабіў Генеральны консул Рэспублікі Беларусь у Мюнхене Кулажанка Андрэй Рыгоравіч. Мы ўдзячны спадару Кулажанку за значны ўклад у захаванне культурнай спадчыны Беларусі, за разуменне каштоўнасці з’яўлення такіх экспанатаў у музейных экспазіцыях.
Хочацца адзначыць, што Андрэй Рыгоравіч не першы раз робіць каштоўныя падарункі музею і мы маем надзею, што яго прыклад стане паказальным для другіх дарадцаў нашай беларускай культуры.
Працу па атрыбуцыі музейнага прадмета правяла музыказнаўца-беларусіст, каныдат мастацтвазнаўства Немагай С.М., вялікі дзякуй за дапамогу Святлене Мікалаеўне.
Запрашаем у музей.
Музей працуе: з 11.00 да 19.00
Без выходных
Каса працуе: 11.00 – 18.30
Уваход наведвальнікаў: 10.00 – 18.30
Для дарослых:
Агляд экспазіцыі – 6 бел.руб.
Экскурсія – 7 бел.руб.
Для студэнтаў дзённай формы навучання:
Агляд экспазіцыі – 4 бел.руб.
Экскурсія – 5 бел.руб.
Для школьнікаў і навучэнцаў ССНУ:
Агляд экспазіцыі – 3 бел.руб.
Экскурсія – 4 бел.руб.
Для пенсіянераў:
Агляд экспазіцыі – 4 бел. руб.
Экскурсія – 5 бел.руб.
Прагляд міні-прадстаўлення
«Батлеечная інтэрмедыя» -
5 бел.руб. (групы да 25 чалавек)