Нарадзіўся 20 снежня 1890 г. у Львове. У 1916 г. скончыў Венскую акадэмію мастацтва па класу архітэктуры і дэкаратыўна-прыкладнога мастацтва. Далейшую адукацыю атрымліваў як вольны слухач платных мастацкіх студый Аўстра-Венгрыі, Польшчы і Расіі. У гэты ж перыяд актыўна працаваў у тэатрах і прымаў удзел у выстаўках. З 1921 г. пачаў працаваць як мастак у Першым беларускім дзяржаўным тэатры (БДТ-1), з 1922 г. – галоўны мастак.
Падчас Вялікай Айчыннай вайны Аскар Пятровіч працаваў галоўным мастаком у Другім беларускім дзяржаўным тэатры (БДТ-2). За сваю кар’еру афармляў спектаклі для Беларускага тэатра юнага гледача, Дзяржаўнага рускага драматычнага тэатра імя М.Горкага, Дзяржаўнага тэатра оперы і балета Беларусі, Гродзенскага абласнога драматычнага тэатра, Пінскага і Бабруйскага тэатраў і іншых тэатраў Беларусі і замежжа.
Сцэнаграфія Марыкса вызначаецца рэалістычнай выразнасцю, глыбокім веданнем эпохі, індывідуальнасцю стылю, кампазіцыйнай мэтазгоднасцю, адпаведнасцю інтэрпрэтацыі аўтарскай задумкі. Як разнапланавы мастак, Аскар Пятровіч плённа працаваў з творамі рускіх і замежных аўтараў. Але значную частку яго творчасці займалі пастаноўкі беларускіх пісьменнікаў. У розныя гады на сцэне беларускага тэатра Аскар Марыкс аформіў дэкарацыі да спектакляў “Машэка”, “Кастусь Каліноўскі”, “Каваль-ваявода” Е.Міровіча, “Несцерка” В.Вольскага, “Паўлінка” Я.Купалы, “Пінская шляхта” В.Дуніна-Марцінкевіча, “Салавей” З.Бядулі, “На Купалле” М.Чарота.
Менавіта да гэтых спектакляў па матывах твораў беларускіх пісьменнікаў і будзе прадстаўлена сцэнаграфія мастака.
Уваход на выставу па квітку на пастаянную экспазіцыю музея.
Музей працуе: з 11.00 да 19.00
Без выходных
Каса працуе: 11.00 – 18.30
Уваход наведвальнікаў: 10.00 – 18.30
Для дарослых:
Агляд экспазіцыі – 6 бел.руб.
Экскурсія – 7 бел.руб.
Для студэнтаў дзённай формы навучання:
Агляд экспазіцыі – 4 бел.руб.
Экскурсія – 5 бел.руб.
Для школьнікаў і навучэнцаў ССНУ:
Агляд экспазіцыі – 3 бел.руб.
Экскурсія – 4 бел.руб.
Для пенсіянераў:
Агляд экспазіцыі – 4 бел. руб.
Экскурсія – 5 бел.руб.
Прагляд міні-прадстаўлення
«Батлеечная інтэрмедыя» -
5 бел.руб. (групы да 25 чалавек)