Здзіслаў Францавіч Стома- акцёр тэатра і кіно, народны артыст Беларусі і СССР. Нарадзіўся 17 жніўня 1907 г. у Мінску.
У 1929 годзе пасля сканчэння драматычнай студыі Польскага вандроўнага тэатра БССР Здзіслаў Стома пачаў сваю акцёрскую дзейнасць ў гэтым жа тэатры. Затым працаваў у тэатрах Украіны, у Беларускім тэатры юнага гледача імя Крупскай.
З 1940 года Здзіслаў Стома акцёр Першага Беларускага дзяржаўнага тэатра (цяпер Нацыянальны акадэмічны тэатр імя Янкі Купалы).
За сваю творчую дзейнасць Здзіслаў Стома выканаў каля 500 роляў. Асаблівай вышыні дасягнуў у стварэнні нацыянальных беларускіх вобразаў, у раскрыцці шматзначных маляўнічых рыс беларускага нацыянальнага характару. Вострахарактарны і камедыйны акцёр. Ён валодаў прыродным талентам, адмысловай тэхнікай сцэнічнага выканання, дасканалай пластыкай, багатай палітрай інтанацый, мімікі, жэста, здольнасцю да імправізацыі.
Вобразы з беларускага рэпертуару ў яго трактоўцы набылі своеасаблівае гучанне: Быкоўскі і Пустарэвіч “Паўлінка” Я. Купалы, Куторга “Пінская шляхта” В. Дуніна-Марцінкевіча, Глушак “Людзі на балоце” паводле І. Мележа.
За рознымі спосабамі ўвасаблення характараў, за канкрэтнасцю персанажаў у Стомы заўсёды адчуваўся сацыяльны аналіз роляў, іх псіхалагічная неадназначнасць: Хлопаў “Рэвізор” М. Гогаля, Белагубаў “Даходнае месца” А. Астроўскага, Епіходаў “Вішнёвы сад” А. Чэхава, Афанасій Мацвеевіч “Дзядзечкаў сон” паводле Ф. Дастаеўскага, Бенвіліо і Пароль “Рамэо і Джульета і “Канец - справе вянец” У. Шэкспіра і інш.
У 1949 годзе пачынае здымацца ў кіно - фільмы: “Чырвонае лісце”, Міколка-парвоз”, “Канстанцін Заслонаў”, “Гадзіннік спыніўся апоўначы”, “Я Францыск Скарына”, “Запомні гэты дзень” і інш.
У 1961 годзе Здіславу Стома нададзена званне народнага артыста Беларусі.
У 1966 годзе атрымаў Дзяржаўную прэмію Беларусі.
З 1968 года Здзіслаў Стома народны артыст СССР.
Актыўна займаўся грамадскай дзейнасцю. Абіраўся дэпутатам Вярхоўнага Савета БССР 7-га склікання.
Памёр 21 ліпеня 1992 г, пахаваны на Ўсходніх могілках.
Музей працуе: з 11.00 да 19.00
Без выходных
Каса працуе: 11.00 – 18.30
Уваход наведвальнікаў: 10.00 – 18.30
Для дарослых:
Агляд экспазіцыі – 6 бел.руб.
Экскурсія – 7 бел.руб.
Для студэнтаў дзённай формы навучання:
Агляд экспазіцыі – 4 бел.руб.
Экскурсія – 5 бел.руб.
Для школьнікаў і навучэнцаў ССНУ:
Агляд экспазіцыі – 3 бел.руб.
Экскурсія – 4 бел.руб.
Для пенсіянераў:
Агляд экспазіцыі – 4 бел. руб.
Экскурсія – 5 бел.руб.
Прагляд міні-прадстаўлення
«Батлеечная інтэрмедыя» -
5 бел.руб. (групы да 25 чалавек)