На выставе будуць прадстаўлены пераддыпломныя праекты студэнтаў кафедры дэкаратыўна-прыкладнога мастацтва Беларускай дзяржаўнай акадэміі мастацтваў, якія займаюцца вывучэннем тэатральна-сцэнічнага касцюма.
Эскізы і касцюмы выкананы пад уражаннем ад творчасці Марка Шагала, які пачынаў свой творчы шлях з афармлення сцэны для двух спектакляў па п'есах М. Гогаля. У апошнія месяцы пражывання мастака ў Віцебску ў горадзе пабываў з гастролямі Тэатр рэвалюцыйнай сатыры, М. Шагалу даручылі аформіць сцэну для гогалеўскага «Рэвізора». З 1920 г. мастак працаваў у Маскоўскім Яўрэйскім камерным тэатры пад кіраўніцтвам Аляксея Граноўскага, прымаў удзел у мастацкім афармленні тэатра: спачатку маляваў насценныя карціны для аўдыторый і вестыбюля, а затым касцюмы і дэкарацыі да спектакляў. У 1921 годзе тэатр А. Граноўскага адкрыўся спектаклем «Вечар» Шалом-Алейхема, які аформіў М. Шагал. У 1945 годзе мастак аформіў спектакль «Жар-птушка» І. Ф. Стравінскага.
Мастацкі праект «Марк Шагал і тэатр" — вынік двухгадовай сумеснай працы выкладчыка Таццяны Лісавенка і студэнтаў: Таццяны Кавалёвай, Надзеі Малафей, Анастасіі Няхай, Фарызы Цемурзіевай, Інэсы Спірыдонавай.
Музей працуе: з 11.00 да 19.00
Без выходных
Каса працуе: 11.00 – 18.30
Уваход наведвальнікаў: 10.00 – 18.30
Для дарослых:
Агляд экспазіцыі – 6 бел.руб.
Экскурсія – 7 бел.руб.
Для студэнтаў дзённай формы навучання:
Агляд экспазіцыі – 4 бел.руб.
Экскурсія – 5 бел.руб.
Для школьнікаў і навучэнцаў ССНУ:
Агляд экспазіцыі – 3 бел.руб.
Экскурсія – 4 бел.руб.
Для пенсіянераў:
Агляд экспазіцыі – 4 бел. руб.
Экскурсія – 5 бел.руб.
Прагляд міні-прадстаўлення
«Батлеечная інтэрмедыя» -
5 бел.руб. (групы да 25 чалавек)