Выбітны кампазітар, аўтар першай беларускамоўнай оперы «Ідылія» («Сялянка», 1852), аперэт і балетаў, стваральнік польскай нацыянальнай оперы, класік вакальнай лірыкі Станіслаў Манюшка нарадзіўся 5 мая 1819 г. у фальварку Убель на Міншчыне. Вучыўся музыцы ў знакамітага мінскага педагога Дамініка Стэфановіча, пазней працягнуў навучанне ў Карла Фрыдрыха Рунгенхагена ў Берліне. Пасяліўся ў Вільні, дзе служыў арганістам касцёла Святых Янаў. Пазней Станіслаў Манюшка стварыў «Вастрабрамскія літаніі» і зборнік літургічных спеваў «Песні нашага касцёла».
Нягледзячы на тое, што Станіслаў Манюшка пакінуў Мінск юнаком, родны горад
вабіў кампазітара. Тут праходзілі яго першыя тэатральна-музычныя пастаноўкі:
«Канторскія служачыя», «Латарэя», «Рэкруцкі набор». У салонах мінскай
інтэлігенцыі XIX ст. гучала яго музыка, натхнёная беларускім фальклорам. Пазней
кампазітар пераехаў у Варшаву, дзе стаў класікам польскай оперы, стварыўшы
пятнаццаць опер, у тым ліку знакамітую «Гальку» (1848, 1858), «Слова гонару»
(«Verbum Nobile», 1861), «Страшны двор» (1865). У творчай спадчыне Манюшкі,
акрамя опер, аперэт, рамансаў, кантат – больш за трыста песень на словы А.
Міцкевіча, Я. Чачота, У. Сыракомлі, А. Адынца, Т. Зана і іншых, аб'яднаных у
дванаццаць «Хатніх спеўнікаў».
У Музеі гісторыі тэатральнай і музычнай культуры жыццю і творчасці Станіслава Манюшкі прысвечана асобная
зала.
З юбілейнага года кампазітара фонды Музея штогод папаўняюцца новымі экспанатамі.
У 2019 годзе ў рамках святкавання 200-годдзя з дня нараджэння Станіслава Манюшкі Музею гісторыі тэатральнай і музычнай культуры пашчасціла папоўніць свае фонды карцінай «Паланэз» (1907) Яна Чэслава Манюшкі, прафесара Санкт-Пецярбургскай мастацкай акадэміі, сына славутага кампазітара. Твор быў закуплены за кошт спонсарскіх сродкаў Нацыянальнага гістарычнага музея Рэспублікі Беларусь у прыватнага калекцыянера, дырэктара галерэі “Дар’ян” Мікалая Сечкі. Ён жа падараваў музею фотапартрэт Станіслава Манюшкі работы Варшаўскага фатографа Мелеція Дуткевіча, уладальніка фотаатэлье “Клох і Дуткевіч”.
Каштоўны падарунак музею зрабіў Генеральны консул Рэспублікі Беларусь у Мюнхене Кулажанка Андрэй Рыгоравіч. Унікальны музейны прадмет – альбом фартэпіяннай музыкі канца 19 – пач. 20 ст. папоўніў фонды філіяла Нацыянальнага гістарычнага музея Рэспублікі Беларусь “Музей гісторыі тэатральнай і музычнай культуры”. У пераплёце, разам з творамі В.А.Моцарта, Л. ван Бетховена, 12 армейскімі маршамі, 10 кампазіцыямі для фартэпіяна А.Рубенштэйна, Ф.Шапэна, Ф.Шуберта, двумя паланезамі М.Кл.Агінскага, знаходзіцца вальс мі-бемоль мінор з выдання “Тры вальсы”, першадрук Варшава, 1852 г. Ст.МанюшкіПрысвячэнне: Ангеліне Ронне з дому Ёдка.
Наведвальнікі нашага музея могуць пазнаёміцца з гэтымі ўнікальнымі экспанатамі на экспазіцыі, прысвечанай жыццю і творчасці Станіслава Манюшкі.
Музей працуе: з 11.00 да 19.00
Без выходных
Каса працуе: 11.00 – 18.30
Уваход наведвальнікаў: 10.00 – 18.30
Для дарослых:
Агляд экспазіцыі – 6 бел.руб.
Экскурсія – 7 бел.руб.
Для студэнтаў дзённай формы навучання:
Агляд экспазіцыі – 4 бел.руб.
Экскурсія – 5 бел.руб.
Для школьнікаў і навучэнцаў ССНУ:
Агляд экспазіцыі – 3 бел.руб.
Экскурсія – 4 бел.руб.
Для пенсіянераў:
Агляд экспазіцыі – 4 бел. руб.
Экскурсія – 5 бел.руб.
Прагляд міні-прадстаўлення
«Батлеечная інтэрмедыя» -
5 бел.руб. (групы да 25 чалавек)