У рамках Міжнароднай акцыі “Ноч музеяў – 2021” Музей гісторыі тэатральнай і музычнай культуры запрашае ў “Падарожжа ў часе”.
Распачнем а 18-й гадзіне ў дворыку музея з выстаўкай “Паланэзы на вяртанне” і паказам батлеечных спектакляў (пры ўмовах спрыяльнага надвор’я). На працягу ўсяго вечара можна далучыцца да прагляду запісу спектакляў: “Пане Каханку”, “Выкраданне Еўропы” і дакументальных фільмаў: “Нараджэнне. Гісторыя беларускага тэатра”, “Беларускі балет. Гісторыя”.
Цікавіцеся закуліссем тэатра? Запрашаем на інтэрактыўны занятак “Сакрэты тэатральнай грымёркі”, дзе наведвальнікі змогуць даведацца аб асаблівасцях тэатральнага грыму, пазнаёміцца з асноўнымі прыёмамі работы грымёра.
Творчых і ўседлівых запрашаем на майстар-класс па стварэнні папулярнай цацкі віктарыянскіх часоў – таўматропа.
Усе жадаючыя змогуць прайсці квэст па экспазіцыі. Самыя кемлівыя атрымаюць сюрпрыз ад музея.
Чакаем вас!
Музей працуе: з 11.00 да 19.00
Без выходных
Каса працуе: 11.00 – 18.30
Уваход наведвальнікаў: 10.00 – 18.30
Для дарослых:
Агляд экспазіцыі – 6 бел.руб.
Экскурсія – 7 бел.руб.
Для студэнтаў дзённай формы навучання:
Агляд экспазіцыі – 4 бел.руб.
Экскурсія – 5 бел.руб.
Для школьнікаў і навучэнцаў ССНУ:
Агляд экспазіцыі – 3 бел.руб.
Экскурсія – 4 бел.руб.
Для пенсіянераў:
Агляд экспазіцыі – 4 бел. руб.
Экскурсія – 5 бел.руб.
Прагляд міні-прадстаўлення
«Батлеечная інтэрмедыя» -
5 бел.руб. (групы да 25 чалавек)