З 8 ліпеня ў Музеі гісторыі театральнай і музычнай культуры пачынае работу выстаўка жывапісных работ мастака тэатра Андрэя Меранкова “Teatr+Art”.
У сцэнаграфіі як і жывапісу, па меркаванні мастака, важна ідэя, вобраз, г.зн. "што?". І гэта першасна. Манера, почырк, прыём, рознасць фактур, г.зн. "як?" таксама важна.
Работа сцэнографа ў тэатры дапаўняе і сілкуе работу жывапісца ў творчай майстэрні. Гледзячы на карціну, глядач павінен задумацца, зацікавіцца, разгадаць ідэю, прачытаць замысел. Таксама і сцэнаграфія павінна несці вобраз, сэнс.
Меранкоў Андрэй Міхайлавіч нарадзіўся 15 сакавіка 1976 г. у Мінску. У 1994 г. паступіў у Беларускую акадэмію мастацтваў, на кафедру жывапісу, аддзяленне "Сцэнаграфія", педагогі Б. Герлаван, М. Данцыг, В. Товсцік, А.Марочкін. У 2000-2008 гг. працаваў у МГХУ ім. А. Глебова выкладчыкам спецыяльных дысцыплін. З 2008 г. пнрацаваў у БДАМ старшым выкладчыкам жывапісу. З 2012 г. – галоўны мастак Беларускага дзяржаўнага акадэмічнага музычнага тэатра.
З 1996 г. Андрэй Меранкоў прымае ўдзел у рэспубліканскіх і міжнародных выстаўках і пленерах. Работы знаходзяцца у прыватных калекцыях і музеях Беларусі, Расіі, Украіны, Польшчы, Румыніі, Харватыі, Германіі, Канады, ЗША. З 1999 г., за час працы ў тэатрах мастаком-пастаноўшчыкам, ажыццявіў больш за 100 пастановак. З 2002 г. – член Беларускага Саюза тэатральных дзеячоў, з 2003 г. – член Беларускага Саюза матакоў.
На выстаўке прадстаўлены тэатральныя карціны мастака.
Музей працуе: з 11.00 да 19.00
Без выходных
Каса працуе: 11.00 – 18.30
Уваход наведвальнікаў: 10.00 – 18.30
Для дарослых:
Агляд экспазіцыі – 6 бел.руб.
Экскурсія – 7 бел.руб.
Для студэнтаў дзённай формы навучання:
Агляд экспазіцыі – 4 бел.руб.
Экскурсія – 5 бел.руб.
Для школьнікаў і навучэнцаў ССНУ:
Агляд экспазіцыі – 3 бел.руб.
Экскурсія – 4 бел.руб.
Для пенсіянераў:
Агляд экспазіцыі – 4 бел. руб.
Экскурсія – 5 бел.руб.
Прагляд міні-прадстаўлення
«Батлеечная інтэрмедыя» -
5 бел.руб. (групы да 25 чалавек)