З 11 лістапада ў Музеі гісторыі тэатральнай і музычнай культуры распачнецца выстаўка Таццяны Мацэвіч “Люстэрка сцэны”.
"Люстэрка сцэны" – так назвала сваю выстаўку сцэнограф Таццяна Мацэвіч. Вам здаецца, што гэта паэтычны вобраз, створаны мастаком? І так, і не. Дакладней, не толькі…
Люстэрка сцэны – такім прафесійным тэрмінам у тэатры абазначаюць умоўную партальную рамку таго кадра, які бачыць глядач. І мастак, ствараючы сцэнаграфію, упісвае свой уяўны сцэнічны малюнак менавіта ў люстэрка сцэны. У сцэны кожнага тэатра гэтае люстэрка рознае, яно непаўторнае.
“Люстэрка сцэны” – гэта тая містычная прастора, дзе сустракаюцца два згусткі энергіі, дзе энергія залы гледачоў і спектакля злучаюцца разам, і здараецца цуд, які мы называем «тэатр».
"Люстэрка сцэны" – гэта містычны партал, у які ўваходзяць мастакі і рэжысёры, ствараючы спектакль.
Мацэвіч Таццяна Янушэўна нарадзілася 22 студзеня 1976 г. у Мінску. У 1994 г. скончыла мастацкі ліцэй №26 пры Беларускай акадэміі мастацтваў, аддзяленне графікі (майстэрня Карповіч А.А.), у 1994–2000 гг. атрымала вышэйшую адукацыю ў Беларускай акадэміі мастацтваў на факультэце жывапісу па спецыяльнасці "Сцэнаграфія" (майстэрня Б.Ф. Герлавана). З 2000 да 2004 г. і з 2005 г. па сённяшні дзень – галоўны мастак Гродзенскага абласнога драматычнага тэатра (у 2004 г. – галоўны мастак рэспубліканскага тэатра беларускай драматургіі). З 1999 г. удзельніца Рэспубліканскіх і міжнародных выставак, лаўрэат конкурсаў і прэмій, з 2016 г. – член Беларускага саюза мастакоў.
На выставе будуць прадстаўлены макеты дэкарацый, эскізы дэкарацый і касцюмаў, узоры касцюмаў, а таксама фотаэкспазіцыі спектакляў.
Музей працуе: з 11.00 да 19.00
Без выходных
Каса працуе: 11.00 – 18.30
Уваход наведвальнікаў: 10.00 – 18.30
Для дарослых:
Агляд экспазіцыі – 6 бел.руб.
Экскурсія – 7 бел.руб.
Для студэнтаў дзённай формы навучання:
Агляд экспазіцыі – 4 бел.руб.
Экскурсія – 5 бел.руб.
Для школьнікаў і навучэнцаў ССНУ:
Агляд экспазіцыі – 3 бел.руб.
Экскурсія – 4 бел.руб.
Для пенсіянераў:
Агляд экспазіцыі – 4 бел. руб.
Экскурсія – 5 бел.руб.
Прагляд міні-прадстаўлення
«Батлеечная інтэрмедыя» -
5 бел.руб. (групы да 25 чалавек)